Bijou, Bayard, deux chevaux de trait, magnifiques, des boulonnais, chez Duquennes, la ferme du bout du village

Allez ! Ch’est pas tout cha, mais faut y aller ! Y cor du traval. Deux journées de repos et on s’crot in vacances. Ch’dis cha, mi, mais ch’nai jamais travaillé d’em vie. Pourtant arrivé ichi à l’automne de m’vie, èch su dja bien matt. Ches gins y m’attintent, ch’va y aller. Ch’va pas rester dins m’chamb tout l’journée. Y crorotent que j’ai tourné maboule. Y a pu qu’un’ seminn’, ch’va y arriver. Ch’est pas parce que j’a eu frod tou l’nuit que j’dos pas aller travailler. Va t’in espliquer cha à ches gins, ti. Va t’in espliquer cha ach’ méd’cin. Y va m’dire, ichi cha va pu. O z’y êtes pu, ch’t’homme. O z allez print’ des vitamines D et C et cha va passer. Ch’est pas l’momint d’faire des jus. Allez, faut s’armuer ! O verrez, mettez y du vot’ et cha ira miux. Ch’est qu’un passache. Hu, Bijou !