On a eu la traduction du premier texte: Bien arrivés! en darija

وصلنا لمطار الرباطـ ـ سلا، دازت الرحلة مزيانة شفنا أنحاء ديال المغرب، و كان منا لكيشفو لأول مرة جريمي خدا صورة لمديق جبل طارق كان كلشي كيبان صغير من الطيارة
ٱلن و منون كانو فالإستقبال ديلنا و هما لكانو مكلفين بالتنظيم ديال المهرجان لداونا فحافلة صغيرة مباشرة لرياض نادية لعودات التجديد ديالو و لولا زوين بزاف ٱي حاجة تقدو تخيلوها زوينة كينا فيه
حطينا حوايجنا فغرف النوم ديالنا و خرجنا بزربا لحقاش كانو كيتسناو فينا فالباب ديال المدينة، آلن و منون وراونا الطريق باش نمشيو للرياض كان خاصنا نحفظوه باش نبقاو نزلوا بوحدنا( ملي كنكول بوحدنا كانعني بخمسة بينا ديديي، مارتين، جريمي، إزابل و مغغي) كولا واحد فينا حفد شوية من الطريق، واحد حفظ حتال عند التوب البرتقالي و كندورو على ليمن، تاني حتال لبلاصة لفيها النجارة و كندورو تاني على ليمن، آما بالنسبة المخزن الحياكة فكندورو على ليسر
هكدا قدرنا لقاو طريق ببساطة، مشينا حتا خدينا حافلة صفرة صغيرة حتال شمس المدرسة ديال السرك ، كانت مها كتسنا فينا، مها مؤلفة كانت خدمات على الجمع ديال كلمات المرأة المغربية، كتقدر تهدر جوج اللغات عربية و فرنسية ولا كان عليا نكول بلا كتهدر ربعة اللغات ولكين المهم هما فرنسية و دارجة (اللغة لكيهدرو بيها المغاربة كاملين)
مها مكلفة باش تعونا فالمقابلات مع الناس، من بعد تلاقينة أمين و سيمو
سيمو معلم فالمدينة لي غادي إكون هو المرشد ديالنا أما ٱمين فهو شاعر فحال الشعراء لكنتلاقاو مرة مرة و كيرجعو أي نقاش عندو معنى آخر هو لي غادي إكون هو المترجم ديالنا و بجوج بيهم غادي إبقاو معانا لمدة خمستاشر يوم
درنا واحد الإجتماع صغير من بعد لحق علينا مصطفى، فنان سرك لكيدير الماشنوا و يونس لي حتاهو فآخر سنة دراسية ديالو ولكن كيدير لاغو سيغ و معاهم مريامة لي يلاه دخلات المدرسة كانت تقدر تشارك معنا هاد العشية، بتلاتة بيهم كيبغيو السرك، هدرنا على كلشي تقريباً مثلا كفاش غادي الدوز هد العشية كولا واحد منا كان عندو على الأقل سؤال ولا فكرة، كان لقاء شيق
آلن طلب من سيمو إفكر فالناس لي إقدر إقدمهمم لينا، داكشي علاش سيمو دارنا خريطة ديال المنطقة، ورانة شي بلايس فين نقدرو نمشيوو لي غادي نلقاو فيهم الناس
تفقنا كاملين اننا غادي نتلاقاو فالرياض مع 9h30 باش نمشيوو نشوفو الناس د المنطقة.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.