الصباح داز كامل إكتشاف للمدينة لي كان معانا فيه الفريق كامل، من مراهة مشينا كلينا فالمدرسة ديال فنون الطهي لي كانت حدا المدرسة ديال السرك، من بعد تلاقينا تييري بوكي لي غادي إقدم عرض فالمهرجان ديال قراصنة
لعشية دازت مع سيمو، أمين و جيريمي دقينا باب بباب، سيمو لي كان كيورينا فين غادي نمشيوو و جيريمي كان كيوريلو كلا مرة لبلايص فين غادي إصور، كلشي رحب بينا، خاصني نكول بيلا سيمو كيعرف الناس كاملين كلشي كيسول فيه خصوصا ملي دخلنا للمدينة وبداو كيبانو لينا اللوان ديال لحيوطة و فآخر دار دقينا بابها لي كان مسبوغ بواحد الزرق زوين، هي فين تلاقينا بمحمد لي كان خدام فالمجال ديال الحافلات و كيهدر شوية بالفرنسية لي كان تعلمها فالمدرسة محمد عرض علينا عندو باش نشربو قهوة و من بعد نهدرو، قدمنا للعائلة ديالو ولي عاود لينا القصة ديالو و كيفاش حتا وصل لسلا و هو أصلو من الرباط، كالنا بلا كين واحد الواد مبين الرباط و سلا
و هو كيعاود سولو أمين: واش جيتي لسلا لحقاش بغيتي ولا غير بغيتي تعبر الواد؟ فالواقع محمد جا لسلا و إستقر على ود الخدمة ديالو من بعد قدم لنا الوليدة ديالو